* * *
О всехвальный, великий чудотворче, святителю Христов, отче Николае! Молим тя, буди надежда всех христиан, верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель и всем скорый помощник и покровитель, да мирное зде поживем житие и да сподобимся видети славу избранных Божиих на небеси и с ними непрестанно воспевати Единаго в Троице поклоняемого Бога во веки ве ков.
* * *
О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.
* * *
О всеблагий отче Николае, пастырю и учителю всех верою притекающих к твоему заступлению и теплою молитвою тебе призывающих! Скоро потщися и избави Христово стадо от волков, губящих е; и всякую страну христианскую огради и сохрани святыми твоими молитвами, от мирскаго мятежа, труса, нашествия иноплеменников и междоусобныя брани, от глада, потопа, огня и напрасныя смерти; и якоже помиловал еси триех мужей в темнице сидящих и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, избави мя гнева Божия и вечныя казни, яко да твоим ходатайством и помощию. Своим же милосердием и благодатию Христос Бог тихое и безгрешное житие даст ми пожити в веце сем и избавит мя шуияго стояния, сподовит же деснаго со всеми святыми. Аминь.
* * *
О всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю вселенную, ты еси праведник, яко финикс процветший, насажденный во дворех Господа своего: живый в Мирех, миром благоухал еси, и миро приснотекущее благодати Божия источаеши. Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне. О, преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед, тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими Богоприятными молитвами вся полезная ко спасению душ и телес наших: сохрани святую обитель сию (или: храм сей), всякий град и весь, и всякую страну христианскую, и люди живущыя, от всякого озлобления помощию твоею: вемы бо, вемы, яко много может молитва праведнаго, поспешествующая во благое: тебе же праведнаго по преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощи и отверзи двери милосердия Божия; понеже недостойны есмы зрети высоту небесную, от множества неправд наших: связани есмы узами греховными, и николиже воли Создателя нашего сотворихом, ни сохранихом повелений Его. Тем же преклоняем колена сокрушенна и смиренна сердца нашего к Зиждителю своему, и твоего отеческаго заступления к нему просим: помози нам, угодниче Божий, да не погибнем со беззаконии нашими, избави нас от всякого зла, и от всякие вещи сопротивныя, управи ум наш, и укрепи сердце наше в правой вере, в ней же твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще Отца и Сына и Святаго Духа, единаго в Троице славимаго и поклоняемаго Бога, ныне и присно, и во веки веков. Аминь.
Молитвы святой блаженной Ксении Петербургской
О святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогушаго покоишися. Ныне Святая Церковь, яко благоуханный цвет, прославляет тя: предстояще на месте погребения твоего, пред образом твоим святым, яко живей ти, сушей с нами, молимся ти: приими прошения наша и принеси их ко Престолу Милосердаго Отца Небеснаго, яко дерзновение к Нему имущая, испроси притекающим к тебе вечное спасение, и на благая дела и начинания наша щедрое благословение, от всяких бед и скорбей избавление, предстани святыми твоими молитвами пред Всемилостивым Спасителем нашим о нас, недостойных и грешных, помози, святая блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности и целомудрии воспитати и успехи в учении им даровати; болящия и недугующия исцели, семейным любовь и согласие низпосли, монашествующим подвигом добрым подвизатися удостой и от поношений огради, пастыри в крепости духа утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь.
* * *
О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы, обуреваемии тлетворными обстоянии, к тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, привергающее нас многогрешных в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим, в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.
* * *
О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.
* * *
О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.
Список использованной литературы
1. А. Гипиус, «Вам поможет святая блаженная Ксения Петербургская», М.: АСТ, 2007
2. Л. Гурьянова, «Вам поможет Иверская икона Божией матери», М.: АСТ, 2008
3. Л. Гурьянова, «Вам поможет Иоанн Кронштадтский», М.: АСТ, 2009
4. Л. Гурьянова, «Вам поможет Николай Чудотворец», М.: АСТ, 2009
5. Л. Гурьянова, «Вам поможет Почаевская икона Божией матери», М.: АСТ, 2008
6. Л. Гурьянова, «Вам поможет Серафим Саровский», М.: АСТ, 2009
7. А. Чуднова, «Вам поможет Владимирская икона Божией матери», М.: АСТ, 2009
8. А. Чуднова, «Вам поможет святая блаженная Матрона Московская», М.: АСТ, 2009
Примечания
1
Материалы о чудесной помощи святой Матроны взяты с сайтов http://vimen2006.narod.ru, http://www.arsvest.ru/archive/issue819/ world/view14776.html или записаны со слов очевидцев.
(обратно)
2
Для более подробного чтения о жизни Ксении Блаженной рекомендуем вам книгу А. Гиппиус. Вам поиожет святая блаженная Ксения Петербургская. – М.: АСТ, 2007.
(обратно)
3
Рассказы о чудесах святой блаженной Ксении Петербургской цит. по: А. Гиппиус, «Вам поможет святая блаженная Ксения Петербургская», М.: АСТ, 2007..
(обратно)
Оглавление
ОТ РЕДАКЦИИ
ВМЕСТО ПРЕДИСЛОВИЯ
КАК ПРОСИТЬ ПОМОЩИ У СВЯТЫХ
СВЯТЫЕ УГОДНИКИ БОЖЬИ И ИХ ЧУДЕСНАЯ ПОМОЩЬ
СВЯТАЯ БЛАЖЕННАЯ МАТРОНА МОСКОВСКАЯ
ЧУДЕСНАЯ ПОМОЩЬ ЛЮДЯМ СВЯТОЙ ПРАВЕДНОЙ МАТРОНЫ МОСКОВСКОЙ[1]
В избавлении от любых болезней
В семейной жизни
В решении материальных проблем, проблем в работе и учебе
Чтобы ребеночка родить
В житейских делах
В защите от зла и недоброжелателей
В избавлении от алкоголизма, наркомании, курения
СВЯТОЙ ПРАВЕДНЫЙ ИОАНН КРОНШТАДТСКИЙ
ЧУДЕСНАЯ ПОМОЩЬ ЛЮДЯМ СВЯТОГО ПРАВЕДНОГО ИОАННА КРОНШТАДТСКОГО
В избавлении от болезней
В бедности и нужде
В житейских делах
В спасении жизней человеческих
В обретении пути истинного
СВЯТОЙ ПРЕПОДОБНЫЙ СЕРАФИМ САРОВСКИЙ
ЧУДЕСНАЯ ПОМОЩЬ ЛЮДЯМ СВЯТОГО ПРЕПОДОБНОГО СЕРАФИМА САРОВСКОГО
В избавлении от болезней
В решении материальных проблем
В житейских нуждах
Чтобы ребеночка родить
В учебе
В избавлении от алкогольной, табачной и наркотической зависимости
В спасении жизней человеческих
В изгнании бесов
В обретении пути истинного
СВЯТИТЕЛЬ НИКОЛАЙ ЧУДОТВОРЕЦ, АРХИЕПИСКОП МИРЛИКИЙСКИЙ
ЧУДЕСНАЯ ПОМОЩЬ ЛЮДЯМ СВЯТИТЕЛЯ НИКОЛАЯ ЧУДОТВОРЦА
В избавлении от недугов
В семейной жизни
В нужде и бедности
В житейских нуждах
В работе и учебе
В спасении жизней человеческих
В обретении пути истинного
В изгнании бесов
Свидетельства чудес, сотворенных Николаем Чудотворцем
СВЯТАЯ БЛАЖЕННАЯ КСЕНИЯ ПЕТЕРБУРГСКАЯ
ЧУДЕСНАЯ ПОМОЩЬ ЛЮДЯМ СВЯТОЙ БЛАЖЕННОЙ КСЕНИИ ПЕТЕРБУРГСКОЙ[3]
В избавлении от болезней
В семейной жизни
В нужде и бедности
В работе
В решении житейских проблем
В том, чтобы ребеночка родить
В спасении жизней человеческих
В спасении от обмана и принятии верных решений
В спасении от греха и обретении пути истинного
СКАЖИТЕ, БАТЮШКА…
Почему мы молимся святым?
Что значит «христианское понимание чуда»?
О христианском понимании болезней и исцелении
Что такое милосердие в православии?
Что такое юродство и почему оно распространено в христианстве?
КАНОНИЧЕСКИЕ МОЛИТВЫ К СВЯТЫМ
Молитвы к святой блаженной Матроне Московской
Молитвы к святому праведному Иоанну Кронштадтскому
Молитвы преподобному Серафиму Саровскому
Молитвы святителю Николаю Чудотворцу, архиепископу Мирликийскому
Молитвы святой блаженной Ксении Петербургской
Список использованной литературы

1 2 3 4 5 6 7 8 9 10 11 12 13 14 15 16 17 18 19